Dalaga, ginpulihan sang 2 ka babaye nga menor de edad bangud sa lalaki nga pareho nila crush

Iloilo City — Napilasan sa wala nga mata kag nagreklamo sang pagpalanakit sang lawas ang 18-anyos nga dalaga sa Mandurriao matapos ginpahayag ginpulihan sang duha ka babaye nga may “crush” sa iya ka “M U” ( mutual understanding).  Suno kay alyas Cali, Grade 11 student, upod niya ang iya ka “M U” nga si alyas Andrew, 19-anyos kag iban pa gid nga abyan sa isa ka restaurant sa Brgy. San Rafael pasado las syete subong nga gab-i antes natabo ang insidente.  Ginpahayag ni Cali nga ginhingyo siya sang menor nga si alyas Maya nga mag-istorya apang nagpamalibad.

Nakibot ang tagreklamo sang hinali lang siya ginbutong sa buhok ni Maya rason natumba.  Dugang niya, ginsipa man siya sa tiyan sang upod ni Maya nga si alyas Nikki, menor man. Gilayon naman nga nagpalagyo kanday Maya kag Nikki. Ginpahayag ni Cali nga nagmuno sa iya si Andrew nga ginapangayu-an siya sang number nanday Maya kag Nikki apang wala ginhatagan. Barkada sadto ni Cali ang iya mga ginreklamo. (JoMaque)