DILG 6, nagahulat pa sang guidelines sa pagbalik sang Negros Occidental sa Western Visayas

Iloilo City–Ginahulat pa sang Department of Interior and Local Government ukon DILG 6 ang guidelines halin sa ila central office sa pagbalik sang lain-lain nga opisina sang gobyerno sa Western Visayas halin sa Negros Island Region.

Pahayag ini ni Atty. Cedrick John Jaranilla, legal officer sang DILG 6, matapos ginbasura sang Executive Order No. 38 ni Presidente Rodrigo Duterte ang EO No. 183 ni former President Benigno Aquino III nga nagtukod sang NIR. Suno kay Jaranilla, nabaton na nila ang EO apang mangusisa pa sang mga bagay-bagay sa central office antes mag-akto.

Sandig sa EO ni Duterte nga nafetsahan Agosto 7 subong nga tuig, problema sa pondo ang rason sa pag-abolish sang NIR. (AGB)

Archives, News, SlideshowGallery

Related posts

Leave a Comment