‘DILG Forum on Federalism’

Iloilo City — Halos 4 mil ka mga barangay officials kag barangay tanod sa syudad ang nagtambong sa DILG Forum angut sa federalism sa Iloilo Convention Center. Ginpangunahan ini nanday DILG Undersecretaries Emily Padilla, John Castriciones lakip na sanday TESDA Undersecretary Virginia Orogo kag Lolita Adricula, Chief Coordinator sang DILG Task Team on Fedaralism sa Region 6. Importante suno kay Usec. Castriciones nga mapaathag sa publiko ilabe na sa mga barangay officials ang ka-importansiya kag benepisyo sang federalismo bilang type of government. Paagi sini suno sa iya, mahatagan sang kahigayunan ang local government units nga magsukot sang tax sa ila mga residente kag mag-alokar sang pondo para sa mga proyekto nga kinahanglan sa lugar. Ika-37 nga ang Iloilo City sa mga lugar nga ginbisitahan sang Task Team on Federalism kag halos 30% na sang pungsod ang nalibot sang team.

Samtang ginpabutyag naman ni Mayor Jed Patrick Mabilog nga pabor siya sa federalismo. Suno kay Mabilog, makadesisyon gilayon ang local government sa mga proyekto nga i-implementar kag painan sang pundo nga indi na kinahanglan pa mag-agi sa national government agencies. (JoMaque)