Dinagyang Update: Dinagyang Ati Tribes Committee, nagdepensa sang ila bag-o nga rule nga naga-limit sang props sa contest

Iloilo City–Gin-depensahan sang Ati Tribes Committee sang Iloilo Dinagyang Foundation, Inc. ang bag-o nga pagsulundan sa Ati Tribes Competition nga limitahan ang props kag magtutok sa choreography.

Kasunod ini sang pagkapierde sang Tribu Panayanon sang loilo City National High School sa kompetisyon. Suno kay Mr. Robert Alor, chairman sang Committee, ma-athag sa sinapol sang mga tribe managers kag choreographers ang kadakuon sang gamiton nga mga risers, panel kag backdrop sa performance.

Nakahibalo ang mga tribe managers nga may deductions sa ila score kon maglapas sa rules. Ginpahayag ni Alor nga may nagalibot nga in-charge halin sa judging committee nga amo ang naga-inspeksyon kag nagatakos sang props sang kada tribu.

Natukiban suno kay Alor ang violations sang Tribu Panayanon sang naghimo sang blocking ang tribu kag gin-ako man sang choreographer nga may gindugang sila sa ila props rason nga nag-oversize. (Aine Grace Bravo)