Driver nga GDR taxi, patay matapos ginpatihan ginhold-up kag ginbuno sa Pavia!

Pavia, Iloilo — Patay ang taxi driver nga ginapatihan ginhold-up antes ginbuno sa Barangay Tigum, Pavia pasado alas-3 kaina sang kaagahon.

Nalabayan nga ara na sa guwa sang iya taxi si Jonathan Causing sang San Juan, Molo kag madamo sang pilas gani ginhingagaw dala sa West Visayas State University Medical Center apang gindeklarar nga dead-on-arrival.

Si Causing ang may pito ka buno sa dughan kag madamo sang defense wounds sa kamot.

Ginapatihan sang Pavia police nga tatlo ka suspek ang naghimo sang krimen.

Madumduman isa ka semana lang ang nakaligad, ginhold-up kag ginbuno man si Lito Ombrero nga driver sang TR taxi sa Q. Abeto Mandurriao.

Ginkakas gid ang isa ka mata ni Ombrero bangud ginbuno.

Gin-ako sang nadakpan nga si Anastacio Almarines, Jr. nga siya ang nagbuno sa mata ni Ombrero. (JoMaque)