Driver sang motorsiklo, patay sa aksidente sa Janiuay

Iloilo — Patay ang driver sang motorsiklo sa aksidente sa Barangay Damoong, Janiuay kagab-i.

Suno kay PO3 Melvin Mercado sang Janiuay PNP, nagbunggu-anay ang motorsiklo nga ginadala ni Romeo Leanora kag tricycle nga ginamaneho ni Renato Solis.

Patay gid si Romeo bangud sang pilas sa ulo samtang padayon nga ginabulong sa Western Visayas Medical Center ang iya utod nga si Rolly Leanora nga nabali ang tiil.

Ginrason naman ni Solis suno kay PO3 Mercado nga gintuyo niya nga likawan ang naga-isi-isi nga motorsiklo pero na-alangan rason nga nagbunggu-anay sila.

Preso na si Solis sa karsel sang Janiuay PNP. (JoMaque)