Duha ka ginakabig dalagko nga drug personalities sa Passi City, nadakpan sa Buybust operation!

Duha ka ginakabig dalagko nga drug personalities sa Passi City, nadakpan sa Buybust operation!

drug bust 2Passi City, Iloilo — Nadakpan sa buybust operation sang gintingub nga puwersa sang Provincial Anti-Illegal Drug Special Operations Task Goup (PAIDSOT) kag Passi City police ang duha ka ginapatihan dako nga drug personalities sa syudad.

Nakuha sa possession nanday Alfonso Palma kag Robert Lozada sang Poblacion Ilawod ang 15 ka sachets sang suspected shabu nga ginabanta nagabalor sang P300,000, mga drug paraphernalia, duha ka 12-gauge shotgun kag cash.

Suno kay Police Inspector John Ryan Doceo, PAIDSOT Head, madugay na nga yara sa watchlist sang IPPO ang sanday Palma kag Lozada.

Nakapalagyo naman ang tatlo pa ka mga kaupod nanday Palma kag Lozada.

Nadakpan sa akto ang mga suspetsado nga naga-pot session kag naga-repack sang illegal drugs.

Ginpahayag ni Doceo nga ang mga regualr customers sang mga nadakpan nagahalin sa Passi City, Dueñas kag San Enrique.

Pasakaan sang kaso nga paghupot kag pagbaligya sang illegal drugs, maintenance sang drug den kag illegal possession of firearms ang mga nadakpan. (JoMaque)

Archives, Gallery, News

Related posts

Leave a Comment