Duha ka grupo nga naghabuyanay bato sa Arevalo, wala gid nadakpan!

Iloilo City–Wala gid sang nadakpan sa mga miembro sang duha ka grupo nga naghabuyanay sang bato sa Zone 10 Calaparan, Arevalo kahapon.

Gintudlo nga mga miembro sang Spytot kag MC Stuffen ang nag-inaway nga ginpahayag armado sang bato kag kutsilyo. Suno kay alyas Bordyak, anay founder sang MS 13 ukon MC Stuffen, naguwa siya sa ila gang agud mangabuhi sang malinong.

Ginsaysay sini nga agud makasulod sa grupo, kinahanglan nga mag-sparring sang 30 ka segundos. Gin-ako ni Bordyak nga gamo ang ginapangita sang grupo. (AGB)