Empleyado sang Provincial Government, Patay matapos nalapakan sang Truck nga may karga nga baboy!

Sta. Barbara, Iloilo — Patay ang empleyado sang provincial government matapos nalapakan sang truck nga may karga nga baboy sa Brgy. Cabugao Sur, Sta. Barbara kaina sang aga.

Ginkilala ang biktima kay Roy Balderas sang San Lucas, Barotac Viejo kag assign sa motorpool sa Sta. Barbara.

Ginpahayag nga nag-overtake sa isa pa ka truck ang truck nga gina-maneho ni Rommy Barrios sang Sta. Cruz, Ivisan, Capiz apang dimalas nga nasugata ang motorsiklo nga ginamaneho sang biktima.

Nagdasok gid sa idalum sang truck ang biktima nga gindala pa sa ospital apang napatay.

Arestado ang truck driver nga si Barrios kag padayon nga napreso sa karsel sang Sta. Barbara Police Station. (JoMaque)