former 5th district Cong. Rolex Suplico, nagpabutyag sang suporta sa kandidatura sang pakaisa nga si incumbent 5th district Cong. Junjun Tupas bilang bise gobernador sang probinsya

Iloilo — Ginasuportahan ni anay 5th district Cong. kag No. 1 nominee sang Abyan Ilonggo Party-list Rolex Suplico si incumbent 5th district Cong. Junjun Tupas, ang kandidato sa pagka-bise gobernador sa Mayo 9 nga eleksyon.

Suno kay Suplico, ginkalimtan na niya ang konflikto sadtu bangud magpamilya gihapon sila.

Nagbalik ang pagtamdanay sang pamilya suno kay Suplico sang nagkadtu ang kongresista sa ila balay sang nagtaliwan ang iya iloy samtang nagkadtu man siya sa hamyang ni the late Governor Niel Tupas.

Magpakaisa sanday Suplico kag Congressman Tupas bangud ang iya iloy, magolang sang anay gobernador.

Wala naman sang suportahan si Suplico sa tunga nanday Vice Governor Raul Tupas kag Atty. Gel Tupas, ang asawa ni Cong. Tupas nga nagapadalagan sa pagka-kongresista sa Quinto distrito bangud lunsay man niya ini nga mga pakaisa.

Samtang, ginpabutyag ni Suplico nga puwede pa ma-istoryahan kon magpangayo si Cong. tupas sang suporta ni 4th district Cong. Ferj Biron.

Indi man liwan si Biron sa ila pamilya suno kay Suplico bangud maninoy sini sa kasal ang nagtaliwan nga gobernador.

Si Biron nga chairman sang Abyan Ilonggo Party-list ang nagpabutyag sang damlag lang nga iya ginasuportahan si Vice Gubernatorial candidate kag Guimbal Mayor Christine Garin. (JoMaque)

Archives, Gallery, News

Related posts

Leave a Comment