Former Municipal Engineer sa Sara, gin-aresto bangud sa kaso nga korapsyon kag pagpalasik sang pundo sang gobierno

Sara, Iloilo — Arestado ang former Municipal Engineer sang Local Government Unit ukon LGU -Sara sang ginserbe ang warrant of arrest batuk sa iya sa Barangay San Fernando, Barotac Viejo. Suno kay Police Senior Inspector Gilbert Baldevarona, officer in charge sa Sara Police Station, 46 counts sa paglapas sa Republic Act 3019 ukon Anti-Graft and Corrupt Practices Act kag 46 counts man may kaangtanan sa malversation of public funds through falsification of public documents ang ginpapanaog sang korte batuk kay Engr. Roel Salcedo, 53-anyos. Masobra 5 milyones pesos ang pyansa para kay Salcedo suno kay Baldevarona. Preso si Salcedo sa Sara Police Station. Nagpamalibad nga magkomento ni Salcedo. (JoMaque)