Gasolinahan sa Sara, ginhold-up; duha ka suspek, nakapalagyo!

Sara, Iloilo–Ginabanta P30, 000 ang nataban sang riding-in-tandem nga suspek sa paghold-up sa Flying V Gasoline Station sa Barangay Apologista, Sara pasado ala-1 kaina sang hapon.

Suno kay Senior Inspector Gilbert Baldevarona, hepe sang Sara Police Station, base sa ila pagreview sa kuha sang CCTV camera, gintiming sang mga suspek nga wala sang nagapatughong sang ginhimo ang paghold-up. Ang cashier lang nga si Jenel Arcanio kag gasoline boy nga si Sunny Labracador ang tawo sa gasolinahan sang ginpalapitan ang mga ini kag gintayaan sang 38-caliber nga pusil.

Nagpalagyo ang mga suspek pakadto sa direkyon sang Lemery. Padayon ang hot pursuit operation sang mga otoridad sa duha ka suspetsado. (AGB)