Ginabanta sa 900 ka mga pamilya, subject sa demolition sa road widening project sang DPWH sa Molo kag Arevalo

Iloilo City — Yara na sa listahan sang Iloilo City Uban Poor Affairs Office (ICUPAO) ang mga pamilya nga maapektuhan sang demolition bangud sa conversion sang city road sa national road sa Boulevard Molo pakadto San juan, Calumpang Molo, Calaparan, Sto Niño Sur kag Sto Niño Norte Arevalo.

Nauna na nga ginpahayag ni TF ASIS Executive Director Robert Dumanil nga ginabanta 600-700 ka mga pamilya ang mangin subjects sang demolition. Apang suno kay ICUPAO Chairman Jeck Conlu, ginabanta 900 ka mga pamilya ang yara sa ila listahan.

Ginpahayag ni Conlu nga gina preparahan na sang city govt ang relocation sang mga pamilya kag nagapangita sila sang lote nga himuon nga relocation site. Posible man suno sa iya nga ang ginabanta 900 ka mga pamilya ang una nga maka benepisyo sang medium rise buildings nga ipatindog sang city govt sa uswag ukon sa Lanit, Jaro.

Wala pa man sang petsa ang demolition apang nagahinyo ang DPWH District Engineering Office nga i-relocate na ang mga informal settlers bangud ma implementar sila sang road rehabilitation sa 2nd quarter sini nga tuig. Iga-proposed naman ang road widening projects para mahatagan sang pondo sa 2019. (JoMaque)