Ginaduso nga 50 sentimos nga saka sa plete sa depasahero nga mga jeep, pamatian sang LTFRB 6

Iloilo City–Mapadala ang Land Transportation Franchising and Regulatory Board ang notice of hearing sa mga operators, drivers kag mga transport groups nga nagaduso sang 50 sentimos nga saka nga pletehan sa mga depasahero nga jeep.

Suno kay LTFRB 6 Spokeperson Atty. Jose Mari Lamparero, ila na gintalana ang hearing sa Marso 13, alas-2 sa hapon sa LTFRB regional office 6. Suno pa kay Atty. Lamparero, istoryahan sa hearing ang petition sang Iloilo City Loop Alliance of Jeepney Owners and Drivers Association ukon ICLAJODA nga 50 sentimos nga dugang sa pletehan sa PUJs.

Kon wala sang magpamalabag, makahimo gilayon sang endorsement ang LTFRB 6 sa central office suno pa kay Lamparero. (AGB)