Ginakabig daku nga Drug personality sa Passi city, nadakpan sa Oplan Lambat Sibat sang Pototan police

Ginakabig daku nga Drug personality sa Passi city, nadakpan sa Oplan Lambat Sibat sang Pototan police

Pototan, Iloilo — Nadakpan sa Oplan Lambat Sibat sang Pototan police sa Ledesma Ward ang ginakabig daku nga drug personality sa Passi City kaina sang kaagahon.

Suno kay Senior Inspector Ariel Corsino, hepe sang Pototan PNP, nasiplatan nila nga wala sang plate number ang ginadala nga Toyota Corolla ni Rolly Trabado, 45 anyos sang Batuan, Pototan gani nga ginpadulog. Oplan Lambat Sibat

Wala man sang ginpakita nga driver’s license si Trabado nga gintudlo nga daku nga drug personality sa syudad sang Passi.

Nakuha man sa sulod sang salakyan ang mga drug paraphernalia, lima ka sachets sang suspected shabu, isa ka 45-caliber pistol kag 11 ka bala, duha ka magazine kag isa ka 38-caliber revolver nga wala bala.

Magluwas kay Trabado, gindakup man ang mga kaupod sini sa salakyan nga sanday Joel Fonte, 36 ayos sang Damirez San Enrique; Regine Pabilona, 31 anyos sang Passi City; alyas Nene, 16-anyos sang Pototan; Leo Patiño, 39 sang Pandan Dingle kag Christian Castor, 21 sang Passi City.

Natalana nga ipa-drug test ang nagkaladakpan. (JoMaque)

Archives, Gallery, News

Related posts

Leave a Comment