Ginakabig High Value Target Drug Personality sa Jaro, Dakup sa Buybust Operation

Iloilo City — Nadakpan sa buybust operation sang gintingub nga puwersa sang Jaro police, Regional Anti-Illegal Drug Special Operations Task Group (RAIDSOTG) kag ICPO Special Weapons and Tactics (SWAT) ang ginakabig high value target drug personality sa¬† Jaro kahapon.

Arestado si Ernie Mamarion, 37-anyos sang Zone 5 Tacas Jaro kag iya live-in partner nga si Princes Cabardo, 24 anyos matapos nabaklan sang 200 pesos nga shabu.

Narecover kay Mamarion ang 5 man ka sachets sang suspected shabu lakip na ang buybust item, 38 caliber revolver kag lima ka mga bala.

Gilayon man gin-implementar ang search warrant batuk kay Mamarion sa diin narecover sa balay sini ang nanari-sari nga kalibre sang pusil kag mga bala.

Suno kay ICPO Director Remus Zacharias Canieso, iga-verify pa ang iban nga records ni mamarion kun kabahin ini sang gun-for-hire group.

Si Mamarion ang ginatudlo suspek sa pagpatay sa duha ka manugbaligya sang ice cream sa Pavia nga gintapok sa Salog river sang Enero. (JoMaque)

Archives, Gallery, News, SlideshowGallery

Related posts

Leave a Comment