Ginatudlo nga anay downline sang Odicta Drug Group, nadakpan sa buy bust operation sa Janiuay

Janiuay, Iloilo–Arestado sa drug buybust operation sang Janiuay police kag Regional Drug Enforcement Unit ang ginakabig high value target drug personality level 1 sa Barangay Damo-ong, Janiuay kaina sang aga.

Ginkilala ang subject kay Edmund Defensor Jr alyas Kano, 51-anyos sang SM Villa Poblacion, Janiuay. Narecover kay Defensor ang 33 ka sachets sang suspected shabu kag P3,200 nga cash.

Suno kay PSI John Paul Guay, hepe sang Janiuay Police Station,  anay downline sang Odicta Drug Group si Defensor bangud nagatrabaho ini nga field supervisor sang Melvin taxi nga ginapanag-iyahan ni the late PDEA 6 identified drug group leader Melvin Odicta. Ginpahayag pa ni Guay nga may abogado sadtu nga nagahatag sang supply kay Defensor.

Antes nadakpan, nagakuha sang supply sa Brgy Jelicuon, Cabatuan si Defensor suno kay Guay. (AGB)