Ginatudlo nga commercial sex worker, ginreklamo nga nagkawat sang kwarta sang pump boy sa sulod sang lodging house

Iloilo City–Ginreklamo sang 21-anyos nga lalaki ang ginatudlo sini nga commercial sex worker matapos iya gin-akusaran nga nagkuha sang iya kwarta.

Suno kay alyas Doodz, ginpick-up niya si alyas Angelica sa Jaro Plaza kag nagdiretso sila sa Katrina Lodge sa Lapaz. Ginpahayag ni Doodz nga sa masobra 700 pesos niya nga kwarta, masobra 100 pesos na lang ang nabilin sang iya ginbalikan matapos nga nagsulod sa banyo. Nagtuyo pa suno kay Doodz nga magpalagyo si Angelica pero napunggan sang room boy.

Nanginwala naman ang babaye sa akusasyon. Suno kay Angelica, may natabu sa ila ni Doodz pero wala siya nabayaran kag gin-akusaran pa sini nga nagkuha sang kwarta sang lalaki.

Ginpablotter ni Doodz si alyas Angelica sa Lapaz Police Station. Nagbalos man ang babaye nga nagpablotter bangud sa ginpahayag sini pagpakahuya sa iya ni Doodz. Wala na ginpreso ang babaye bangud wala man nakita sa iya ang kagamitan ni Doodz. (AGB)

Archives, News, SlideshowGallery

Related posts

Leave a Comment