Gov. Art Defensor, Ginkomfirmar nga Wala sang Drug laboratory sa Guimaras base sa Naguwa nga Intelligence report

Iloilo City — Wala gid sang naguwa nga intelligence report nga may drug laboratory sa Guimaras.

Ini ang pagkonfirmar ni Governor Art Defensor sa iya termino bilang chairman sang Regional Peace and Order Council.

Suno sa gobernador, wala man siya sang nabatian bisan tsismis nga may labotary sang illegal drugs sa guimaras antes pa man siya nagpungko nga RPOC chairman.

Sang damlag lang, nagtuga sang negatibo nga reaksyon sa mga guimarasnon ang statement ni Mayor Jed Patrick Mabilog nga indi sila luyag maglabay sa Guimaras-Iloilo Ferry Terminal bangud nakulbaan nga may makita nga illegal sa ila mga bagahe.

Ginsugpunan ini sang alkalde nga wala sang shabu laboratory sa Iloilo City base sa report sang PDEA 6 kag mga pulis kag mabudlay man magsulod ang kontrabando sa syudad bangud istrikto sa airport kag mga pwerto nga may xray machines.

Pero wala suno sa iya sang xray machine ang mga pasahero halin sa Guimaras. (JoMaque)

Archives, Gallery, News, SlideshowGallery

Related posts

Leave a Comment