Gov. Art Defensor Kag Masobra Apat Ka Libo Ka Mga Local Leaders Sa 3rd District Nagsumpa Na Sa PDP-LABAN ; Defensor Ginsulit Nga Suportado Niya Ang Federalismo

Municipality of Pototan – Todo dayaw si Governor Arthur Defensor kay Presidente Rodrigo Duterte sa iya pagsumpa sa PDP-Laban nga ginhiwat sa Pototan Astrodome kahapon.

Sa iya speech, ginpahayag ni Defensor nga si Duterte lang ang presidente nga nag-away sa seryoso nga mga problema sang pungsod pareho sang illegal drugs, terorismo kag mga rebelde nga New People’s Army.

Dayaw ang gobernador sa determinasyon sang presidente agud matapos ang mga problema nga naga-apekto sa mga pigado kag ordinaryo nga Filipinos.

Si Defensor, upod sa masobra apat ka libo ka local leaders halin sa 3rd District kag iban pa nga banwa, ang nagsumpa kahapon sa atubang ni House Speaker Panteleon Alvarez.

Samtang ginsulit ni Defensor nga suportado niya ang ginaduso sang presidente nga federalism nga sistema sang panggobyerno.

Tiun na suno sa iya nga mag-untat ang local government units sa pagpakitluoy sa Manila kon may kinahanglan nga mga proyekto.

(ATT)

Archives, Gallery, News, SlideshowGallery

Related posts

Leave a Comment