Gov. Arthur Defensor, ginpanindugan nga kandidato lang sang Liberal Party sa pagka-bise gobernador ang iya suportahan

Gov. Arthur Defensor, ginpanindugan nga kandidato lang sang Liberal Party sa pagka-bise gobernador ang iya suportahan

Iloilo City — Ginpanindugan ni Governor Arthur Defensor nga official candidate lang sang Liberal Party sa pagka-bise gobernador ang iya suportahan.GOV. ART DEFENSOR

Gintumod sini si 5th District Congressman Niel Tupas, Jr nga kandidato sang LP.

Gin-athag sang gobernador nga wala nagakahulugan nga si Guimbal Mayor Christine Garin ang iya ginasuportahan kon nakit-an sa tarpaulin sa 2nd District ang iya litrato kaupod ang alkalde kag sanday former DILG secretary Mar Roxas kag Congresswoman Leni Robredo.

Nag-prangka si Defensor nga si Tupas ang iya suportahan sa pagka-bise gobernador apang bukas naman suno sa iya si Mayor Garin sa pagpangampanya sa probinsya.

Si Garin ang kandidato sa pagka-bise gobernador sa idalum sang National Unity Party (NUP). (JoMaque)

Archives, Gallery, News

Related posts

Leave a Comment