Gov. Arthur Defensor, nagbalibad magkomento sa mangin kapalaran sang mga mayors nga nalakip sa narco list sang Presidente nga nagsumpa sa PDP Laban

Iloilo–Nagbalibad nga magkomento si Governor Arthur Defensor sa report nga pahalinon sa PDP Laban ang nagsumpa nga mayors nga nalakip sa narco list ni Presidente Rodrigo Duterte.

Reaksyon ini sang gobernador sa pahayag ni Senate President Koko Pimentel nga wala sang lugar sa partido ang mga involved sa illegal drugs. Nakadepende suno sa gobernador sa pamunuan sang partido ang kapalaran sang mga mayors kon matapos na review ang application sang mga bag-o nga miembro.

Nagsumpa sang damlag sa PDP Laban lang kaupod kay Defensor sanday Maasin Mayor Mariano Malones kag Calinog Mayor Alex Centena. Wala pa man nakasumpa si Carles Mayor Siegfredo Betita. Ang tatlo, nalakip sa mga nalawagan sang presidente nga ginpahayag drug protectors apang ila ginpanginwala ang akusasyon.

Una na ginhambal ni Governor Defensor nga si House Speaker Pantaleon Alvarez ang nagpasiguro nga wala nalakip sa updated narco list ni Duterte ang tatlo ka alkalde sa probinsya. (AGB)