Governor Arthur Defensor, liwat ginpahanumdom ang mga pulis sa probinsya sa paglikaw sa pamulitika

Governor Arthur Defensor, liwat ginpahanumdom ang mga pulis sa probinsya sa paglikaw sa pamulitika
12650895_538238489676606_1348103870999275599_n
Photo by Aksyon Febe Morales

Iloilo — Liwat nga ginpahanumdom ni Governor Arthur Defensor ang mga pulis sa probinsya sang ila mga obligasyon.

Ginhimo ini sang gobernador sa ika-25 nga PNP Foundation Anniversary celebration sa Iloilo Police Provincial Office (IPPO) kaina.

Ginpasalig ni Defensor ang padayon nga suporta sang provincial government sa IPPO ilabe na sa kampanya kontra kriminalidad kag illegal nga druga.

12670281_224193444588853_2648082700754246765_n
Aksyon Febe Morales

Ginhambalan man sini ang mga personnel nga indi mag-entra sa politika sa nagahilapit nga eleksyon sa Mayo.

Ginpangunahan man sang gobernador kag ni IPPO Director Roderick Augustus Alba ang paghatag sang certificate of commendation sa mga Municipal Police Stations nga may madamo sang accomplishments sa kampanya batuk sa most wanted persons, loose firearms kag illegal drugs.

Ginhatagan man sini sang special award ang Provincial Anti-Illegal Drug Special Operations Task Group (PAIDSOTG) kag San Joaquin PNP bangud sa pagkadakop sa duha ka mga dako nga durugista sa Brgy. Tiolas sang nagligad nga bulan kag pagka-komfiscar sang masobra P5 milyon nga balor sang shabu. (JoMaque)

Archives, Gallery, News

Related posts

Leave a Comment