Grade 3 pupil sang Bo. Obrero Elementary School, gin-alegar ginhaboy sang maestra sang libro

Grade 3 pupil sang Bo. Obrero Elementary School, gin-alegar ginhaboy sang maestra sang libro
12729011_1531652130462399_6332670548291485183_n
Ang 8-ka tuig nga Grade 3 Pupil nga si alyas Inday. (Aksyon Niel Gumban)

Iloilo City — Indi kumbinsido ang mga himata sang 8 ka tuig nga Grade 3 pupil sang Bo. Obrero Elementary School sa pahayag sang iya maestra nga indi hungod ang paghaboy sang libro sa bata.

Suno sa tiya ni alyas Inday nga si Apple, gin-download niya sa social media nga may pilas kag bukol ang iya hinablos sa ulo matapos ginhaboy sang libro.

Ginpahayag nga nagpanghaboy sang libro ang maestra bangud natak-an sang agahod sang mga estudyante samtang nagahimo sang group activity sang Pebrero 17 sang hapon.

Wala na sang mahimo si Apple bangud wala na nagreklamo ang ginikanan ni alyas Inday sa principal batuk sa maestra.

Nagpangayo naman sang pasensya ang maestra sa ginikanan ni alyas Inday. 10632677_1531652160462396_7252539012924220539_n

Ginpahayag naman ni alyas Inday nga natabu-an gid nga nagduko siya sang ginhaboy sang maestra ang libro kabangdanan nga na-igo ini sa agtang.

Kumbinsido man si alyas Inday nga indi hungod sang maestra nga haboyon siya sang libro.

Wala na nagreklamo ang amay ni alyas Inday nga si Caloy sa school principal.

Sa baylo, nagpirma na lang ini sang kasugtanan nga indi na pagsuliton sang maestra ang natabo kay alyas Inday. (JoMaque)

 

Archives, Gallery, News

Related posts

Leave a Comment