Greyhound operation, ginconduct sa BJMP Pototan

Pototan, Iloilo–Nag-conduct sang greyhound operation sa Iloilo District Jail sa Barangay Nanga ang Bureau of Jail Management and Penology, Philippine National Police kag Philippine Drug Enforcement Agency kaina sang aga.

Gin-isa-isa sang mga otoridad ang pag-usisa sa kada selda sang BJMP agud mahibaluan kun may mga kontrabando. Lakip sa mga narecover ang kudkuran, manok, kutsara, tinidor, toothbrush, cellphone kag pornographic materials. Wala sang illegal drugs nga narecover.

Lakip sa mga preso sa IDJ ang mga kilala nga drug personalities nga sanday Jesus Jing-jing Espinosa, Rolando Torpio alyas Apa/alyas striker kag Melvin “Vin-vin” Odicta Jr.

Suno kay Jail Senior Supt Rex Delarmente, BJMP regional director, ginahimo ang greyhound operation agud matinluan ang mga jail facilities base man sa mandu ni Presidente Rodrigo Duterte. (AGB)