‘Gun Ban para ASEAN Meetings’

Iloilo City — Magapatuman sang gun ban ang Police Regional Office 6 sa pagahiwaton nga Association of Southeast Asian Nations ukon ASEAN meetings sa syudad sang Iloilo sa masunod nga bulan.

Gin-aprobahan sang camp crame ang suspension sang Permit to Carry Firearms Outside Residence ukon PTCFOR sugod Marso 3 tubtub 20.

Suno kay PRO 6 spokesperson Supt. Gilbert Gorero, ginhimo na ang nasambit nga tikang sa APEC Ministerial Meetings sang nagligad nga tuig sa Western Visayas.

Ang Iloilo City ang isa sa duha ka mga lugar sa Western Visayas nga ginpili agud mangin venue sang ASEAN meetings. (JoMaque)