HVT Level 3 drug personality sa Roxas City, nadakpan sa Pavia

Pavia, Iloilo–Nadakpan sa drug buy bust operation ang high value target level 3 drug personality sa Roxas City, Capiz sa Providence Subdivision sa Balabag, Pavia kaina sang hapon.

Nakuha kay Niel Bryan Tumlos, 30-anyos, ang 33 ka sachets sang suspected shabu, 45 caliber pistol, tatlo ka magazines sang pusil, walo ka bala kag mga drug paraphernalia. Na-recover man ang P2,200 nga buy bust money.

Suno kay PCI Fernan Limbungan, hepe sang Pavia Police Station, anum ka bulan nga naga-arkila sang balay sa nasambit nga subdivision si Tumlos. Ginareklamo man sang mga naga-istar sa subdivision ang magahud nga andar sang motorsiklo ni Tumlos.

Ginpahayag nga nagakuha si Tumlos sang supply sang illegal nga druga sa Cavite. (AGB)