‘I-mentinar ang katinlo sa Mount Napulak’
Igbaras, Iloilo–Nag-ayo si Mayor Vicente Escorpion sa mga hikers, mountain climbers kag mga turista nga nagasaka sa Mount Napulak nga imentinar ang katinlo sang lugar.
Kasunod ini sang impormasyon nga madamo sang basura ang nagalinapta sa ibabaw sang Mount Napulak nga ginbilin sang mga naga-camping kag hiking. Suno sa alkalde, dapat dal-on sang mga hikers ang ila basura kon magpanaug agud indi maguba ang katahum sang sikat nga tourist destination.
Natalana diskusyunan sa sinapol sang local government unit sang Igbaras upod sa Provincial Tourism Office ang problema. Nagsuhestyun naman si Mayor Escorpion nga limitahan ang mga nagasaka sa bukid samtang gina-engganyo sini ang mga turista nga magbisita man sa iban nga tourist destinations sang banwa. (AGB)