IBP-Guimaras Chapter, mapasaka sang kaso kon piliton sang MARINA ang pagdumili sa pagkarga sang motorsiklo sa depasahero nga pumpboat

IBP-Guimaras Chapter, mapasaka sang kaso kon piliton sang MARINA ang pagdumili sa pagkarga sang motorsiklo sa depasahero nga pumpboat
Vice Gov. Vicente de Asis
Guimaras Vice Governor Vicente De Asis

Iloilo City — Mapilitan ang Integrated bar of the Philippines (IBP) Guimaras Chapter nga magpasaka sang kaso batuk sa Maritime Industry Authority (MARINA) kon lubos nga idumili ang pagkarga sang motorsiklo sa depasahero nga pumpboat.

Sobra na nga pigos suno kay Vice Governor Vicente De Asis ang ginahimo sang MARINA nga naghatag sang dako nga perwisyo sa mga pasahero.

Tubtub sa katapusan sang Pebrero ang plaso nga ginhatag ni De Asis kag kon magpakatig-a ang MARINA, hingyuon niya sa IBP-Guimaras Chapter nga pasakaan sang kaso ang ahensya.

Ginapangabay ni De Asis sa MARINA nga isa lang ka motorsiklo ang ikarga sa pumpboat agud indi mabudlayan ang mga pasahero.

Sa subong, ginmandu sang MARINA nga indi na makargahan sang motorsiklo ang depasahero nga pumpboat kag ginapanugyan nga ikarga sa Neptune Shipping kag roll on roll off ukon RoRo vessel.

Gin-athag sang MARINA nga wala nadala sa franchise sang mga depasahero nga pumpboats ang pagkarga sang motorsiklo. (JoMaque)

Archives, Gallery, News

Related posts

Leave a Comment