ICPO, nagpasalig nga magahatag sang seguridad sa mga magakumpanyar sa lubong sang mag-asawa nga Melvin kag Meriam Odicta

Iloilo City — Magahatag sang seguridad ang Iloilo City Police Office sa mga magakumpanyar sa lubong sang mag-asawa nga Melvin kag Meriam Odicta karon sa hapon.

Ginkonfirmar ni Senior Inspector Shella Mae Sangrines, spokesperson sang ICPO, nga nagrequest si punong barangay Noel “Nene” Odicta kay ICPO Director Remus Zacharias Canieso nga i-secure ang ila pamilya kag mga magakumpanyar.

Suno kay Sangrines, indi lang pagsecure sa lubong ang ila ihatag kundi magabulig man sa pagderiher sang trapiko bangud sa posible pagdugok sang madamo nga tawo.

Wala man suno kay Sangrines nadetalye ni Canieso kon ano nga pamahug ang nabaton sang pamilya Odicta kag Regalado.

Madumduman gintiro patay ang mag-asawa sa Caticlan Jetty Port sa Malay Aklan sang Agosto 29.

Si Odicta ang gin-idenfity sang PDEA 6 nga drug group leader. (JoMaque)

Archives, Gallery, News, SlideshowGallery

Related posts

Leave a Comment