ICUPAO, plano hingyuon ang city council nga magtukod sang Urban Poor Committee sa kada barangay

Iloilo City — Plano sang Iloilo City Urban Poor Affairs Office (ICUPAO) nga hinyuon ang City Council nga magpasar sang ordinansa nga naga-require sa mga barangay nga magtukod sang Urban Poor Committee nga amu ang magalista sang mga informal settlers sa ila barangay kag kun sin-o ang tag iya sang duta.  Isa ini sa mga long term plans sang City Government bangud plano nga hatagan sang duta ang mga informal settlers ilabe na ang mga yara sa danger zones, kag ang mga may ejectment cases kun madayon ang 360 hectares nga reclamation project sa Iloilo River.  Suno kay ICUPAO chairman Jeck Conlu, tinutuyo man sang ginaduso nga ordinansa nga mahibaluan kun pila gid ang informal settlers nga residente sang syudad. Suno sa iya, may mga mas nauna pa nga nahatagan sang relocation site nga halin sa iban nga lugar kag nagtinir lang sa syudad sang 2-3 ka tuig sa baylo nga mga pumuluyo sang syudad. (JoMaque)

Archives, Gallery, News

Related posts

Leave a Comment