73-anyos nga Lalaki, Todo panghiwala sa akusasyon nga ginmolestyahan sini ang 4-ka tuig nga bata nga babaye sa Zarraga

73-anyos nga Lalaki, Todo panghiwala sa akusasyon nga ginmolestyahan sini ang 4-ka tuig nga bata nga babaye sa Zarraga
LOLO
Photo by Aksyon Kikik Enar

Iloilo — Todo panghiwala ang 73-anyos nga lalaki sa akusasyon nga ginmolestyahan sini ang apat ka tuig nga bata nga babaye sa Zarraga.

Gindakup si Nicanor Ladrillo alyas Kano sang Barangay Malunang, Zarraga, ang ginakabig Number 9 Most Wanted sa listahan sang mga pulis, paagi sa warrant of arrest sa kaso nga rape by sexual assault.

Ginpahayag sang lola sang bata nga Enero 15 sang nagligad nga tuig sang natabu ang gin-alegar nga pagmolestya sa balay mismo sang suspek.

Sang Enero 29, 2015, gin-report nga na-infect ang kinatawo sang bata gani nga ginpa-examine sa doktor kag natukiban nga ginpasudlan sang matig-a nga bagay.

Sang ginpamangkot ang bata, gintudlo sini ang balay sang suspek tubtob nga gintudlo si alyas Kano nga amo ang nagtandog sa iya kinatawo.

Sa imbestigasyon sang police, nagakurog kag nagahibi ang bata kon makita ang suspek.

Pero ginpanindugan ni alyas Kano nga posible nasamaran lang ang bata sang alambre sang naglagaw. Indi man suno sa iya mahimo ang pagmolestya bangud may kaupod ang bata sang nagkadto sa iya balay. (Nemesio Martirez)

Archives, Gallery, News

Related posts

Leave a Comment