11 Nabiktima sang palupok sa Syudad sa Pagsug-alaw sang New Year!

Iloilo City — Naglab-ot sa 11 ang nabiktima sang palupok sa syudad. Apat pa ka mga firecracker-related incidents ang nagdugang sa listahan sang Aksyon Radyo Iloilo may kaangtanan sa pagsug-alaw sang bag-ong tuig.

Lakip sa mga nagdugang sanday Charles Formosa, 9- ka tuig sang barangay Nonoy, City Proper nga nalukpan sang piccolo sa tuo nga kamot; Christian Querada, 39-anyos sang San Juan Molo, may pilas sa wala nga kamot bangud sang kamara; Leny Igoc, 22-anyos sang Don Francisco Village Jaro, nalukpan sang piccolo sa tuo nga kamot kag Ron Dave Barluado, 13-anyos sang Pali Benedicto Mandurriao nga napaso sa wala nga kamot sang luces.

Lunsay ginpadala ang mga biktima sa Western Visayas Medical Center.
Sa pihak nga bahin, nautod ang tudlo sang lalaki matapos nalukpan sang ‘goodbye philippines’ nga palupok.

Gindala sa Jesus Colmenares District Hospital si Johnny Ramos sang barangay Abong Carles. (Nemesio Martirez)