Convenor sang I-ACT nga si Bryant Zulueta, Ginkasuhan sang Libel ni Mayor Jed Patrick Mabilog bangud sa pahayag nga 50% sang Kita sa Illegal nga Druga nagakadto sa Alkalde sang Syudad

Nemesio Martirez

Iloilo City — Ginpakasaan sang kaso nga libel si Mr. Bryant Zulueta, isa sa mga convenor sang Ilonggo Alliance for Change and Transparency (I-ACT).

Napasaka na kahapon ni Mayor Jed Patrick Mabilog ang kaso sa sala ni Assistant City Prosecutor Maria Theresa Pineda–Guadalupe batuk kay Zulueta.

Ginasukot ni Mabilog si Zulueta sang P3-M nga danyos bangud sa paguba sa iya reputasyon matapos gindalahig ang iya pangalan ss isyu sang illegal drugs.

Ginbuyagyag ni Zulueta nga may connection sa illegal drugs ang alkalde sang ginlunar ang I-ACT sang Agosto 31.

Gin-alegar ni Zulueta nga 50 porsiento sang kita sa illegal drugs ang nagakadto sa alkalde sang syudad.