Pangabay ni Councilor R Leone Gerochi nga buksan lang ang Tagbak terminal bisan expired na ang franchise, balik-awot suno kay Mr. Alberto Labrido

Pangabay ni Councilor R Leone Gerochi nga buksan lang ang Tagbak terminal bisan expired na ang franchise, balik-awot suno kay Mr. Alberto Labrido
Councilor R LEONE N. GEROCHI
Councilor R Leone Gerochi

Iloilo City — Balik-awot ang pangabay ni Councilor R Leone Gerochi, chairman sang Committee on Transportation sang City Council, nga buksan lang ni Alberto Ladrido III ang Tagbak Terminal bisan expired na ang franchise halin pa sang Enero 26.

Suno kay Ladrido, indi man si Gerochi ang may final say sa isyu. Magluwas sini, Nobyembre pa suno sa iya nagpasa sila sang application para sa renewal sang franchise.

Sa session sang Martes, ginbotohan sang pito ka konsehal nga i-defer sa masunod nga semana ang pag-aprubar sang proposed ordinance nga magahatag sang bag-o nga franchise sa Tagbak terminal.

Ginpabutyag naman ni Ladrido nga indi siya pabor sa ginduso sang konseho nga bag-o nga frankisa kag sa baylo, ginpanindugan sini nga i-renew lang ang franchise.

Base sa draft sang proposed ordinance para sa bag-o nga franchise, daw ginapatulon sang syudad suno kay Ladrido nga batunon na lang ang ginhatag nga franchise sa Vallacar Transit terminal sa Buhang Jaro.

madumduman. ginpasakaan ni Ladrido sang kaso ang city council bangud sa paghatag sang franchise sa Vallacar Transit agud mag-operate sang terminal bisan wala nalakip sa Perimeter Boundary Ordinance (PBO). (Nemesio Martirez)

Archives, Gallery, News

Related posts

Leave a Comment