Pagsaulog sang Paskua sa Syudad kag Probincia nangin Malinong kag Matawhay, Suno sa Kapulisan

Iloilo City — Malinong kag matawhay ang ginsa-ulog nga paskua sa probinsya sang Iloilo.

Wala sang nabiktima sang nagtalang nga bala suno kay Iloilo Police Provincial Office (IPPO) OIC Senior Superintendent Roderick Augustus Alba samtang duha ka mga minor ang nabiktima sang firecrackers kag ini naghalin sa Miag-ao kag Barotac Viejo.

Nangin epektibo man suno kay Alba ang pagpahamtang sang PNP personnel kag police assistance center malapit sa simbahan umpisa sang simbang gabi sang Disyembre 16 tubtub sang Disyembre 24.

Nagapati si Alba nga diutay ang nagpalopok sang mga firecrackers bangud sang ma-ulanon nga panahon sang Disyembre 24.

Ginapanghandaan naman ni Alba ang New Year’s eve kag iya ginmandu sa mga Chief of Police sa kabanwahanan nga maghimo sang inspection sa mga ginabaligyaan sang  firecrackers kag komfiskaron ang mga illegal nga palupok.

Sa pihak nga bahin, malinong kag matawhay ang ginsa-ulog nga Paskua sa bug-os nga siudad.

Ini suno kay Iloilo City Police Office ukon ICPO spokesperson Inspector Shella Mae Sangrines. (Nemesio  Martirez)