Ilonggo run against Illegal drugs, ginhiwat sang IPPO agud mahimo nga drug-free ang Sta. Barbara

Iloilo — Ginsuportahan sang ginabanta sa lima ka libo ka mga tawo ang Ilonggo run against illegal drugs sang Iloilo Police Provincial Office sa Sta Barbara subong nga aga.

Suno kay Inspector Wilmar Bolivar, hepe sang Sta Barbara Police Station, katuyuan sang event nga mag-ugyon ang mga taga-Sta Barbara kag mahimo nga drug-free ang banwa.

Inisyatibo ini sang IPPO sa bulig sang Sta. Barbara Police Station kag gin-updan sang local government unit kag mga pumuluyo.

Antes ang dalagan, may ginpaguwa nga powerpoint presentation angut sa malain nga epekto sang illegal drugs.

Suno sa isa sa mga nagpasakup, luyag gid sini nga matapna ang illegal drugs bangud ini ang rason sang paglain sang paminsaron sang mga pamatan-on. (JoMaque)