Imbestigasyon sa tuyo nga pagsaka sang grupo ni Melvin Odicta Sr. sa Aksyon Radyo Iloilo station sang nagligad nga tuig, ginpadayon sang Senado

Imbestigasyon sa tuyo nga pagsaka sang grupo ni Melvin Odicta Sr. sa Aksyon Radyo Iloilo station sang nagligad nga tuig, ginpadayon sang Senado
12650578_1048594565182859_434087812_n
Photo by Aksyon Jun Capulot

Pasay City — Ginpadayon sang Senate Committee on Public Order and Dangerous Drugs and Public order ang imbestigasyon sa tuyo nga pagsaka sang grupo ni Melvin Odicta Sr, ang gintudlo top drug personality sang PDEA 6, sa estasyunan sang Aksyon Radyo Iloilo sang Nobyembre 19, 2015 sang kaagahon.

Ginhiwat ang hearing sa Recto Hall sang Senate Building kag gin-imbitar sanday Aksyon Radyo Iloilo Station Manager John Paul Tia, City Councilor Plaridel Nava, PDEA 6 Director Paul Ledesma, PDEA Undersecretary Arturo Cacdac Jr, representante halin sa Department of Justice kag sa Philippine National Police.

Nagtambong man si Atty. Mark Piad, legal counsel kag spokesperson ni Mayor Jed Patrick Mabilog, NUJP President Fred Villareal kag National Press Club President Joel Egco.

Lakip sa mga gintalakay sa hearing ang pagpanag-iya sang lisensyado nga mga pusil ni Odicta Sr. kag sang ihado sini nga si Brgy. Kagawad Jesus “Jingjing” Espinosa sang Monica-Blumentritt City Proper.

Ginkuwestyun ni Senator Tito Sotto kon ngaa nakaangkon sang lisensya ang mga mataas nga kalibre sang pusil si Odicta Sr wala sapayan na-convict ini sa kaso may kaangtanan sa illegal drugs.

Ginbuyagyag man ni Aksyon John Paul Tia ang mga pangalan sang ginpahayag aktibo kag retirado nga mga pulis nga naga-upod kay odicta sa firing range lakip na si Executive Assistant for Political Affairs  Jeffrey Celiz.

Liwat nga nag-presentar sang mga ebidensya si Councilor Nava nga nagapakita sang relasyon ni Mayor Mabilog kanday Espinosa kag Odicta Sr nga ginapatihan rason sa nagapadayon nga pag-egsister sang narco-politics sa syudad.

Isa sa ginbuyagyag sang konsehal ang ginpahayag pagbaton sang alkalde sang P30 milyones nga campaign fund halin kay Odicta. (JoMaque)

Archives, Gallery, News

Related posts

Leave a Comment