Implementasyon sang PUV Modernization Program sang gobierno, madayon suno kay LTFRB 6 Director Richard Osmeña

Iloilo City — Madayon ang pag-impementar sang PUV Modernization Program sang gobyerno suno kay Land Transportation Franchising and Regulatory Board Regional Office 6 Director Richard Osmeña.   Ini bisan pa ginapamatukan sang mga transport groups nga naghimo snag duha ka adlaw nga strike sang Lunes tubtob kahapon. Suno kay Osmeña, may go signal na ang programa sang Department of Transportation, LTFRB central office kag Office of the President. Ginpa-athag ni Osmeña nga amat-amat lang ang pag-upgrade sa mga public utility jeepneys sa sulod sang tatlo tubtob lima ka tuig kag magabulig ang gobyerno sa mga operators. Mangin prayoridad sang programa ang pagdula sa mga PUJs nga masobra 15 ka tuig kag may assistance nga ihatag ang gobyerno. (JoMaque)