In Her Shoes campaign sang National Youth Commission, gin-updan sang mga lalaki nga empleyado sa syudad

Iloilo City— Nangin highlight sa selebrasyon sang syudad sa International Women’s Month ang pagsuksok sang kalalalakihan sang pangbabaye nga footwear kahapon.

Gin-updan sang mga lalaki nga empleyado sang Philippine National Police, Philippine Coast Guard, Bureau of Jail Management and Penology kag iban pa nga government offices ang In Her Shoes 3 nga programa sang National Youth Commission upod sa City Governmen. Nagsugod ang parada sa dalan Arroyo padulong sa Freedom Grandstand kag ginsundan sang programa.

Nag-upod sa aktibidad si NYC Executive Director Lex Tupas kag asawa sini nga si City Councilor Candice Tupas. Una na ginpabutyag ni Councilor Tupas nga ang programa, pagpakita sang pagbato sa violence batuk sa kababainhan.

Subong nga adlaw ginaselebrar ang International Women’s Day. (Aine Grace Bravo)