Kura paruko sang St. Ann Parish sa Molo-Father Esperidion Celiz, ginhingyo sang mga pumuluyo nga magpabilin sa parokya

Iloilo City–Nagahingyo si Fr. Esperidion “Boy” Celiz nga kuntani hulaton na lang ang mangin desisyon sang Roma sa sulat nga iya ginpadala kasunod sang plano nga pagsaylo sa iya sa iban nga parokya halin sa St. Anne Parish sa Molo.

Sa sulat, nagpangayo sang bulig si Celiz kun ano ang maayo para sa mga parokyano sang Molo nga nagahingyo nga kun puwede indi lang pagsayluhon ang pari sa Barotac Nuevo Parish. Nag-petisyon ang mga taga-Molo paagi sa Facebook ilabe na ang nagalantaw sa FB live nga misa ni Fr. Celiz.

Gin-athag naman ni Fr. Celiz nga wala siya nagakontra sa desisyon ni Jaro Archbishop Angel Lagdameo nga sayluhon siya upod sa iban pa nga parish priests pero naga-ulikid lang siya sa hingyo sang mga parokyano.

Sa Disyembre 3 maga-epekto ang major reshuffling sa mga parokya nga nasakpan sang Jaro Archdiocese. Sang Nobyembre 20, nagpadulong sa Archbishop’s Palace ang pila ka mga pamatan-un sa Molo agud personal nga hingyuon ang pagpabilin kay Fr. Celiz sa St. Anne Parish pero natabuan nga wala sa Palasyo si Archbishop Lagdameo. (AGB)