Lalaki, Napatay sa ospital matapos Gintiro sang Riding-in-Tandem sa Sara

Sara, Iloilo — Napatay sa ospital ang lalaki nga gintiro sang riding-in-tandem sa Sara kagab-i.

Ginkilala ang biktima kay John Dogomeo, 25-anyos sang Barangay Aspera, Sara, nga may pilas sa dughan.

Suno kay PO2 Francis John Aricaya sang Sara Police Station, pauli na si Dogomeo sang ginlambatan sang mga suspek sa plaza sang barangay kag gintiro. Wala nakilala ang mga suspek nga nagpalagyo pagkatapos sang natabu.

Gina-imbestigaran sang mga pulis ang motibo sa insidente samtang ginatinguhaan nga makilala ang duha ka mga suspetsado. (JoMaque)