Libertad Lapuz Punong Barangay Sumakwel Nava, nag-ako nga siya ang nagpatapik sang tarpaulin sa salakyan nga may nawong ni Mayor Jed Patrick Mabilog nga nagabitbit sang hotdog kag ginlibot sa syudad

Iloilo City — Ginbalusan lang ni Libertad Lapuz punong barangay Sumakwel Nava ang gintapik nga tarpaulin sa Plaza Libertad sa diin nabutang ang litrato ni Councilor Plaridel Nava kag nasulat nga adulterer ang konsehal.

Suno kay Nava, sobra-sobra na ang ginahimo sa iya bata gani nga nagbalos siya paagi sa pagtapik man sang tarpaulin nga may nawong ni mayor jed patrick mabilog nga nagabitbit sang jumbo hotdog kag may nasulat nga i like hotdog.

Ang tarpaulin, gintakud ni Kap Mak sa hood sang iya salakyan kag ginlibot sa syudad.

Sa pagpati sang punong barangay, indi man pag-itapik ang tarp batuk sa iya anak kon wala sang pahanugot sang alkalde.

Kaladlawan naman suno kay Kap Nava ang akusasyon sang iban nga sila man lang ang nagpatapik sang tarpaulin batuk sa konsehal agud nga pasibangdan lang si Mayor Mabilog. (JoMaque)