Libertad Lapuz Punong Barangay Sumakwel Nava, Wala sang Plano nga Magsubmit sang BADAC Report kay Mayor Jed Patrick Mabilog

Iloilo City — Indi magsumiter sang Barangay Anti-Drug Abuse Council  ukon  BADAC report sa diin nalakip ukon listahan sang mga drug personalities sa ila barangay si Libertad Lapuz Punong Barangay Sumakwel  Nava tubtub nga indi  maklaro ang pangalan ni Mayor Jed Patrick Mabilog nga nadalahig sa ilegal nga druga.

Mabudlay suno kay Nava nga mag sumiter sang listahan sang mga drug personality sa alkalde nga yara sa man sa narcolist ni Presidente Rodrigo Duterte.

Kon magsumiter sang listahan sang mga drug personalities kay Mabilog, wala naman sang assurance ang city DILG suno  kay Nava nga indi pag ibutang sa alang-alang ang sitwasyon sang barangay.

Suno pa kay Nava bisan pa sa city  DILG gina sumiter ang BADAC report, maga-agi gihapon ini sa talatapan sang alkalde.

Nadudla na si Nava nga nagsumiter siya sang BADAC report sa PDEA6 sang nagligad nga tuig apang na relieve man ang director  bangud nadalahig sa ilegal nga druga.

Si Mabilog ang isa sa ginhinagdlan ni Duterte nga protector sang ilegal nga druga.(Nemesio Martirez)