Local Government Unit sang San Joaquin, plano nga ipakay-o ang ginkutkot nga Camposanto

Local Government Unit sang San Joaquin, plano nga ipakay-o ang ginkutkot nga Camposanto

Iloilo City — Ipakay-o sang Local Government Unit sang San Joaquin ang gindeklarar nga national cultural treasure nga Camposanto nga ginkutkot kag sang nagligad nga semana lang nabalahuba. 12772874_1049584561771973_970789157_o

Nagsapol ang mga opisyal sang banwa suno kay Mayor Eduardo Servidad kag na-istoryahan ang pagpakay-o sang Camposanto.

Handa magasto ang LGU suno kay Servidad para matampukan ang nakutkot nga buho nga ginabanta nagadalum sang 50 ka tapak kag makay-o ang sulod kag guwa sang Camposanto.

Ginpasecure sang alkalde ang palibot sang Camposanto bangud na-apektuhan ang istruktura sa ginhimo nga pagkutkot.

Gin-athag ni Servidad nga nakahibalo lang ang LGU sa pagkutkot sa Camposanto sang ginpabalo na siya ni punong barangay Napoleon Secondes sang Poblacion, Purok 1.

Mabudlay suno sa iya nga mamutikan ang aktibidad sa sulod sang Camposanto bangud kon gab-I ginahimo ang pagkutkot.

11 ang ginkasuhan bangud sa paglapas sa Republic Act 10066 ukon Protection of Natural Cultural Heritage Act kag lakip diri si Father Nelson Silvela nga wala pa nakapakita sa publiko tubtob subong. (JoMaque)

Archives, Gallery, News

Related posts

Leave a Comment