LTFRB 6 legal officer, nagpa-athag nga wala ginapabay-an ang petition for fair increase sang transport group ICLAJODA

Iloilo City–Ginpadala na sang Land Transportation Franchising and Regulatory Board ukon LTFRB 6 sa ila central office ang sulat halin kay ICLAJODA President Boyet Parcon nga nagahingyo sang 50 sentimos nga fare increase.

Apang nakabaton sang impormasyon ang LTFRB 6 nga ginaproponer nga himuon nga nationwide ang fare increase gani ini ang posible isa sa mga rason kun nga-a nadelay ang paghatag sang authority sa ahensya nga magsugod sang public hearing.        Gin-athag ni LTFRB 6 Legal Officer Jose Marie Lamparero nga gina-follow up nila sa central office ang request sang ICLAJODA kag nagahulat na lang sang authority.

Ngprotesta kahapon ang mga miembro sang ICLAJODA sa atubang sang LTFRB 6 office nga nagapanawagan nga aksyonan ang ginaduso nila nga 50 sentimos nga fare increase bangud sang sunod-sunod nga pagsaka sa presyo sang mga produktong petrolyo.

Magluwas sa fare hike, ginapamatukan man sang ICLAJODA ang pagpatuman sang joint administrative order ukon JAO; pag-phase out sa mga daan nga units sang mga depasahero nga jeep; madamu nga requirements sa pag-proseso sa LTFRB kag ang pagkuha sang special permit nga may dugang nga balayran kag ginapangayo nga affidavits. (AGB)

Archives, News, SlideshowGallery

Related posts

2 thoughts on “LTFRB 6 legal officer, nagpa-athag nga wala ginapabay-an ang petition for fair increase sang transport group ICLAJODA

  1. Jing jing

    Gud evening…tag pila gd mn bala ang regular fare?sa pgkabalo q 6.50 lg gd dba?pero ngaa padayon gd sa gyapon ang pagpanukot sg mga driver sg tg 7.50?naintindihan q gd nga mabudlay ang isa ka driver pero qng abusado kg wla gahatag sg tama nga kambyo nd na ina ya kaluluoy kailinit na ina ya.tpos qng sukton mo kambyo cla pa ang maisog.maski bata na upod mo 7 or 7.50 gd ghpon kuhaon nla.

    1. Good day maam. Pwede ikaw makareklamo sa LTFRB 6 kon nadumduman mo ang plate number sang jeep. –admin

Leave a Comment