LTO-6 Mangin Istrikto Sa Pag-Implementar Sang Anti-Distracted Driving Act kag Children’s Safety On Motorcycles Act – LTO 6 Assistant Regional Director Atty. Gaudioso Geduspan

Iloilo City-  Tinguhaan sang Land Transportation Office nga i-implementar ang duha ka bag-o nga traffic laws nga wala sang pinilian.

Gintumod ni LTO 6 Assistant Regional Director Atty. Gaudioso Geduspan ang RA 10913 ukon ang Anti-Distracted Driving Act nga nag-epekto kahapon kag ang RA 10666 ukon Children’s Safety on Motorcycles Act of 2015 nga naga-epekto naman subong nga adlaw. Suno kay Atty. Geduspan, hugot nga magabantay ang ila mga law enforcers kag deputized agents agud masiguro nga gina-implementar ang duha ka laye.

Ginpasalig ni Atty. Geduspan nga wala sila sang pasin-uhon sa pagpangdakup. Pero mangin rasonable man sila sa pag-implementar ilabe na sa laye nga nagadumili sa magagmay nga kabataan sa pag-angkas sa motorsiklo.Ginpabalo ni Atty. Geduspan nga sa RA 10666, nabutang sa section 4 nga indi na pwede maka-angkas ang bata sa motorsiklo nga nagalabay sa mayor nga dalanon kag may madasig nga mga salakyan ukon may speed limit nga masobra 60 kilometers per hour. Pasugtan lang nga mag-angkas ang bata kon makalab-ut ang iya tiil sa foot rest sang motorsiklo, makahugakop sa hawak sang driver kag nagasuksok sang standard protective helmet santu sa Motorcycle Helmet Act of 2009.

Exempted naman sa laye kon may emerhensya kag nagakinahanglan ang bata sang gilayon nga medical attention. Sa mga magalapas, multahan ang driver sang 3 mil pesos sa first offense, 5 mil pesos sa second offense kag 10 mil pesos kag suspension sang drivers license sang isa ka bulan sa third offense.

(Aljohn Torreta)

Archives, Gallery, News, SlideshowGallery

Related posts

Leave a Comment