Mag-amay sa Sta. Barbara, ginlabu; amay, patay

Sta. Barbara, Iloilo–Patay ang amay nga si Ambrosio Surmieda, 45-anyos samtang pilason ang iya bata nga si Rolly Surmieda sang ginpanglabu ni Romy Casipong, 32 anyos kag stepson sang napatay.

Natabu ang insidente sa balay sang mga biktima sa Brgy. Miraga-Gibuangan, Sta Barbara kagab-i. Sa imbestigasyon sang Sta Barbara police, naga-inom inom ang mag-amay upod ang suspetsado sang gulpi lang nagbaisay tubtub nga nagsulod sa kuwarto si Ambrosio kag nagkuha sang pugakang.

Ginpahayag nga naagaw sang suspect ang pugakang kag ginlabu sang binangon ang iya stepfather sa leog kag lawas. Ginlabu man sini sa kamot ang iya stepbrother nga nagtambag sa gamu. Napatay sa Western Visayas Sanitarium si Ambrosio samtang padayon nga ginabulong sa ospital ang bata sini nga si Rolly.

Nagsurrender naman ang suspetsado sa barangay tanod sang Miraga-Gibuangan kag ginturn over sa Sta. Barbara police. (AGB)

 

Archives, News, SlideshowGallery

Related posts

Leave a Comment