Mag-asawa nga Meriam kag Melvin Odicta, Nagpakigkita kay DILG Sec. Ismael Sueno sa Camp Crame agud Ipanghiwala ang ila kahilabtanan sa Illegal Drug Trade sa Iloilo

Camp Crame — Nagpadulong sa Camp Crame ang mag-asawa nga Meriam kag Melvin Odicta alyas Boyet/Dragon, ang ginatudlo sang PDEA 6 nga drug group leader sa Iloilo.

Nagpakigkita ang mag-asawa kay DILG Secretary Ismael Sueno upod sa ila mga abogado sa pagpanguna ni Atty. Raymond Fortun.

Sa advisory sang DILG, una nga nagpanaug sa salakyan si Meriam Odicta bangud ginpahayag nga nagakurog ang iya bana gani nagpangayo ini sang isa pa ka oras.

Ginsugat pa si Boyet Odicta matapos naghingyo sang security.

Ginpanghiwala naman ni Atty. Fortun nga nag-surrender ang iya kliyente kag wala ini sang dala nga drug matrix.

Suno kay Fortun nga wala sang rason agud mag-surrender si Odicta bangud wala man ini nalakip sa narco list ni Presidente Rodrigo Duterte.

Ginhambalan suno sa iya ni Sueno ang mag-asawa nga magreport kay PNP Chief Director General Ronald Bato Dela Rosa. (JoMaque)

Archives, Gallery, News, SlideshowGallery

Related posts

Leave a Comment