Manghod, Ginbuno sang iya Magolang bangud sa Away Pamilya

Lambunao, Iloilo — Gindala sa ospital ang 40-anyos nga lalaki matapos ginbuno sang iya magolang sa Barangay Burirao Lambunao.

Suno kay Chief Inspector Dennis Tambunag sang Lambunao Police Station, makalima ka beses nga ginbuno ni Allan Libalib ang iya utod nga si Alex sang amu man nga lugar.

Ginpahayag nga pareho hubog ang mag-utod kag nagbaisay angut sa away-pamilya.

Napilasan ang biktima sa tiyan, tuo nga dughan, duha ka palad kag wala nga paa. (JoMaque)